أخبار عاجلة

مصرية بالخارج تستعرض تجربتها في منتدى الهجرة: “مصر اتغيرت”

استعرضت نيفين نسيم، إحدى المشاركات في منتدى وزارة الهجرة للمصريين بالخارج “إجازتك في وطنك نشوفك ونسمعك”، تجربتها الشخصية في المنتدى حتى يعلم الشباب، حجم التغيير الذي يحدث في مصر. وقالت نسيم عبر صفحتها على فيسبوك: “الموضوع بدأ ببوست على الفيس بوك في صفحة وزارة الدولة لشئون الهجرة والمصريين بالخارج تحت اسم المنتدى ومن يرغب بالحضور يدخل على لينك في البوست ويسجل بياناته دخلت على اللينك وبالفعل سجلت بياناتي المطلوبة.. وبعد فترة ارسلوا لي إيميل باستكمال بياناتي الشخصية، قمت باستكمالها في دقيقة وأرسلتها قبل ميعاد المؤتمر بأسبوع ثم وجدت ايميل بدعوتي للمؤتمر.. الموضوع كان بمنتهى السهولة واليسر “.

وأضافت: “لقيت بلدي مصر بتقولي تعالي عاوزين نقعد معاكي ونسمعك وتقولي رأيك ونرد عليكي في كل اللي بتفكري فيه بمنتهى الديمقراطية.. لقيت نفسي بحضر المنتدى بدون تمييز بيني وبين أي حد ولا بحث وراء انتماء سياسي ولا غيره، كلنا في وطننا زي بعض مصريين وبس.. كان موجود علماء من اللي حضروا مؤتمر مصر تستطيع، كان موجود معانا عمال عاديين، كان معنا مهندسين وأطباء وأساتذة جامعات عاشوا بره مصر اكتر من خمسين سنه.. كل الي سجل اسمه في اللينك كان موجود معنا”.

وتابعت:” عددنا كان ٥٧٣ مصري مغترب جه يقول اقتراحات لمشاكله أو يعرض فكرة جديدة ناجحة أو ينقل تجربته في الغربة اللي ممكن تفيد جدا لو اتنفذت في مصر.. حضرنا ٦ ورش عمل والسابعة كانت للشكاوى.. كل واحد فينا حاول يحضر ورشة أو اتنين او تلاتة حسب اهتماماته اللي جاي يعرضها أو محتاج لها في عرض سؤاله وإيجاد اجابة وافية له”.

واستكملت الفتاة المصرية: “مش عايزة أنسى الشباب اللي زي الورد اللي استقبلوني ووصلوني انا أو أي فرد وصل من أول باب المؤتمر لغاية القاعة، وطول الوقت بيساعدوك في أي حاجة بنسألهم عنها والابتسامة مش بتفارق وجوههم أبدا ماشاء الله.. والمفاجاة إن كان من بين الشباب المنظمين للمنتدى شباب من المصريين بالخارج يعني مش بس شباب الوزارة اللي نظموا المنتدى لأ معاهم أولاد مصريين عايشين بره مصر، الجزئية دي أثرت فيا جدا لأن دايما أغلب الشعب أسهل كلمة كان يقولها لنا انتم أصلكم مش عايشين في مصر فمش حاسين بالي احنا فيه.. فحسيت بالفعل قد ايه مصر بتسعى إن أولادها اللي بره مصر يبقوا فاعلين في وطنهم ولهم دور واضح”. وأردفت قائلة: “أما معالي الوزيرة (نبيلة مكرم) بقى فمفيش كلام ممكن يوفيها حقها وقدرها.. إنسانة كسرت كل مفهومي السابق عن علاقة الوزير كمنصب رفيع وتعامله مع المواطنين.. قمة التواضع والرقي والحب من القلب لوطنها وناسها وإعطاء مثل حقيقي للشفافية في الرد على اَي تساؤل بمنتهى الصدق والإخلاص، وانها فعلا عايزة تساعد أي مصري يحتاج لوطنه.. فكرها دايما خارج الصندوق لتقدم كل ما هو جديد ومفيد بامتياز وكل خطوة بتفكر تعملها، ربنا بيكلل تعبها بنجاح علشان بتعملها من قلبها فعلا فربنا بيكون سندها.. حبيتها بجد”.

وقدمت نيفين الشكر لكافة القائمين على المنتدى: “أقدم كل الشكر لوزيرة الهجرة ولكل المسئولين اللي اهتموا بنا وحضروا وحرصوا انهم يجيبوا على كل أسئلتنا ومقتراحتنا وتذليل اَ ي عقبات بتواجهنا في الخارج قدر المستطاع.. ألف ألف شكر لهم جميعا”. وفي ختام منشورها قدمت رسالة للشباب المصري ونصها: “أحب اقول لشبابنا؛ مصر بالفعل اتغيرت مش لسه بتتغير.. حبوها هتلاقوها فاتحة لكم ذراعيها.. ابحثوا واقرأوا، دوروا على الفرصة هتلاقوها مفيش حاجة بتيجي بدون بحث ورآها.. وهتنجح طول مانت عندك عزيمة إنك توصل.. أوعى تخلي الإحباط والمحبطين يأثروا عليك.. انت تقدر تحقق لإنك مصري.. محدش يقدر يهزمه أبدا.. مصر تسطيع فعلا بأبنائها المخلصين، تحيا مصر دائماً وابدا”.

تعليقات فيسبوك

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *