معاق برس حقوق لا عطايا
مقالات مشابهة
شهد الرئيس عبد الفتاح السيسى اليوم، احتفالية “قادرون باختلاف” فى نسختها الخامسة بمركز المنارة للمؤتمرات الدولية بالقاهرة الجديدة وبدأت الاحتفالية بتقديم أميرة حربى إحدى فتيات “قادرون باختلاف”، والطالبة بكلية اقتصاد وعلوم سياسية، مؤكدة أن حياتها تغيرت بداية من النسخة الأولى من احتفالية “قادرون باختلاف” عندما قرر الرئيس عبد الفتاح السيسى أن يكون عام 2018 عاما للإعاقة.وجه الرئيس عبدالفتاح السيسى، الحكومة بتخصيص 10 مليارات جنيه لصندوق “قادرون باختلاف” وأعرب السيسى، خلال احتفالية “قادرون باختلاف” فى نسختها الخامسة بمركز المنارة للمؤتمرات الدولية بالقاهرة الجديدة، عن سعادته بوجوده فى الاحتفالية.. قائلا : “إن هذه الاحتفالية فرصة لتدبر عظمة الله وقدرته فى خلقه، والثمن الذى يجب تقديمه شكر وتقدير، كما أنها فرصة للتفكير فيما يجب أن نفعله حتى لو كانت ظروفنا بسيطة”.
وشدد الرئيس السيسى على ضرورة التلاحم بين الجميع..قائلا :”يجب أن تكون قلوبنا على قلوب البعض، وأن نساعد بعضنا البعض، ونقف حتى لو بكلمة مع كل ما نراه ونسهم بكل فعل وكلام وحتى الموارد”.
قال الرئيس السيسي: “سعيد بوجودكم ومتشرف قوى والله باليوم ده.. هو يوم بنعيش عليه السنة كلها.. ومش ببالغ فى الكلام ده.. وقلت أن احنا فى عالم الحقيقة فيه مش واضحة.. دى حكمة ربنا أن منبقاش شايفين كل حاجة.. لكن فيه يوم تانى هنشوف فيه كل حاجة.. واليوم ده طال أو قصر الزمان جاى، ويتبقى كل عمل طيب الناس ممكن تعمله لنفسها أو لغيرها.. وبنعتبر اليوم ده والاحتفال فرصه لينا لحاجتين.. الحاجة الأولانية أن احنا نشوف عظمة ربنا وقدرته فى خلقه.. وكمان التمن اللى احنا المفروض نقدمه شكر وتقدير للى احنا فيه.. النقطة التانية يا ترى احنا هنعمل إيه فى اللى احنا بنتكلم عنه النهاردة وبنحتفل به؟.. هنزهق هنضايق وهنغض الطرف وملناش دعوة؟!.. ولا نتصدى؟!.. طيب حتى لو كانت ظروفنا مش قد كده لكن ممكن بالقلب”.
أضاف الرئيس السيسي: “احنا قلبنا يبقا على قلب بعض ونساعد بعض، ونقف على قد ما نقدر حتى لو بكلمة مع كل اللى احنا بنشوفه.. ونساهم بكل فعل وأمر وحتى موارد.. ويمكن أنا حاطتها فى الكلام بتاعى.. لكن علشان كان فيه واحنا بنتفرج جت لقطات من احتفالات سابقة.. وكنا سامعين “اهالينا” خايفين..وقلت ساعتها ازاى مخاليق ربنا اللى مبنشوفهاش تحت الأرض وكل حتة رزقها مكفول وحياتها مكفولة.. لأن احنا مش احنا اللى نقول ونقدر نعمل إيه؟ هو عامل ومخلص وعامل كل شيء بعظمته وقدرته.. فمحدش يتصور يضيع وهو موجود..سبحانه وتعالي.. محدش يتحط جنب اسمه أبدا.